بِسْمِ اللّهِ الرَّحْمَنِ الرَّحِيمِ
قصيدة كتبها شاعر العراق الكبير واحد رواد الشعر الشعبي العراقي كامل العامري ابن محافظة القادسية والشاعر توفي بتاريخ 6/6/2008 على اثر مرض عضال استمر معه طويلا… كتب الشاعر الكثير من الشعر الشعبي وخاصة الغنائي منها.. اغنية كوم انثر الهيل… اغنية جاوبني تدري الوكت واغاني اخرى رفد بها التراث الغنائي العراقي… لقد كتب الشاعر رحمة الله اخر قصائده نعى بها شهيد الحج الاكبر الشهيد صدام حسين وكانت بعنوان.. باجر يجون الصبح والاهمية القصيدة ومعانيها ولعبقرية الشاعر وبمناسبة الذكرى الثانية للاستشهادة شهيد الحج الاكبر صدام حسين رحمة الله ننشر القصيدة
الأهداء
إلى صلاة العيد..
التي تدلت على شفاه المصلين
إلى الشمس …
التي أحرقت حبال الشانقين
إلى الرمح …
النابت في ضلوع المحتلين
إلى شط العرب …
وهو يزهو بثياب الرافدين
إلى من له في رقاب العراقيين …
عهد وذمة ودين
أقوم جمرة من رماد المرض …
والموت والألم …
أعزف لك قيثارة روحي …
قصيدة
باجر يجون الصبح
الشاعر العراقي كامل العامري
يوميه طف كربله …
ويوميه عدنه (حسين)
(وفيروز أبو لؤلؤه) يطعن (عمر) سجين
ويوميه عدنه عزه وتتيتم الشطين
وينذبح فرض الصبح جدام (أبو الحسنين)
وصلة سمه من السمه….
إنحزت إمن الجتفين
مصلوبه ركبة شمس هدلت على المتنين!
إسم الله….
لاتنصدع….
يهلال المعيدين
يانجمة البلعلم والكرهوا إمنصين
ويمك الموت…. إرتهب وأنحرج (عزرايين)
تستاهل أبجي دمه…. وتستاهل أعمي العين
ودكك الغشيمه لدكك واخرطلك الخدين
وأبقه بسوادي لحد…. ما عاشر الميتين
يا شهكة السنبلة ويالون البساتين
يا بقجة (أم الحلس) لثياب المعرسين
يا أول المستحه الشبيت ويه الطين
يخسنون كالوا متت … يمزبر العفنين
شفناك فوك الكمر تتمرجح بكل عين
(وكلكامش) الملحمه بيك إنكتب مرتين
(آشور) من شافتك زحفت على الزندين
إورد (الجناين) دمع بي حارت الجفين
ولن (بابل) إمهدله…. وتخرمش الخدين
وطين المسله زعل…. دك إعله راسه الطين
(وسومر) إجتك لطم … ومحزمه إحزامين
وكسرت نفسهه قهر…. قيثارة التلحين
ونفّر إجت من عفج عزت صلاح الدين
سالم يسور الحضر يمبجي الغازين
إسم الله … إعله طولك حرز ومحصن بياسين
يا كمرة أربعطعش يا جوبي المربعين
الكاروك بيد الخضر فيالك إجناحين
بس إنته دون الخلك….حطك على الجتفين
ونص ليل دك الفجر…. شباج بيت الطين
خشبة صليبك غصن…. من سدرة التكوين
أمّن يبه ولاتهم يا زود المعلين
الله.. إشعندك زلم لو عكرت الرجلين
فوك اليشامغ عكل عدهه الجتل عفرين
وحدر اليشامغ شفت …عباس يوم إحسين
شال الفرات ونهض …من كطعوا الجفين
وضاري اعله لجمن… سحك شكك الحلك نصين
وشعلان فج الكبر … عبه الرميثه تفك بجفوف عزرايين!
تدرم إحلوكك الزلم … درب القطار إمنين!
دفروا حديد السجج …وشاهدوا ميتين
يبه.. سجيل يكطف وبه…. محجال ابو الطكتين
والفاس موت الحمر … بيد الفراتيين
وفالتنه ظلت أثر من ثورة العشرين
شرغد يوالد رغد … يا أبو العراقيين
موش إنته ذاك الغبت … جن غابت النهرين
ويا رغد نامي رغد….خل تكر بيج العين
وصانه ابوج الوطن…. ذمة وأمانة ودين
العراك يبكه عهد بركاب المضحين
ويارغد ويه النجم من باجر إتكعدين
غبشه إبصلاة الفجر بالدمع تتوضين
وبهداي حد النفس للعوجه تتمشين
وكعدي عدي وقصي … من عالفرض تنوين
حنه الفاو إشتهت … وتريدهم عدلين
وإحنه المسير الكفل … ردناهم إهلالين
ثكلت إعثوك الصبر … كصوهه يمعودين
والنخل شد السعف رايه لصلاح الدين
يا وطن ياكربله …هم يبقه إسم كربله لو خذوا منهه إحسين!؟
وسولتنه عدنه جدم … من كبل ماننولد نسحك المحتلين
وعدنه قوان الفشك … جن صوت داخل حسن واطرب على التلحين
اضحك يبونه ضوه … بوجوه المخبثين
مو بس نرد الوطن … وندلل الشطين
إحنه النرد القدس وانرجع إفلسطين
وبينه العرب تنجمع… جن لمة إمحبين
وتونس تمر بحلب …وتبات بالبحرين
الليل كلش كصر …ها بعد رمشة عين
باجر يجون الصبح … ما ماتوا الطيبين
ما ماتوا الطيبين
شبكة البصرة
الثلاثاء 11 ذو الحجة 1429 / 9 كانون الاول 2008
I’m really impressed with your writing skills as well as with the format for your weblog. Is that this a paid subject matter or did you modify it your self? Either way stay up the excellent quality writing, it is rare to look a great weblog like this one today!